وزراء ڈینگی سے متعلق افسران کی کارگردگی پر برہم، سرزنش 

رشیکیش۔ کابینی وزیر اور علاقائی ایم ایل اے پریم چند اگروال نے رشی کیش یاتری شہر میں ڈینگو کے مریضوں کی تعداد میں اضافہ پر میونسپل کارپوریشن کے اعلیٰ عہدیداروں کی میٹنگ کی۔ اس موقع پر کارپوریشن نے ڈینگی لاروا کو تلف کرنے کے سست طریقہ کار کی سرزنش بھی کی۔ اس کے ساتھ ساتھ پورے میونسپل ایریا میں مہم چلا کر ڈینگی لاروا تلف کرنے کی بھی سخت ہدایات دی گئیں۔ بیراج روڈ پر واقع کیمپ آفس میں وزیر اگروال نے میونسپل کمشنر راہول گوئل سے شہر میں ڈینگو کی روک تھام کے سلسلے میں جانکاری حاصل کی۔ میونسپل کمشنر راہل گوئل نے بتایا کہ پہلے مرحلے میں سات مقامات پر مہم چلائی جارہی ہے۔ اس کے علاوہ ڈینگی کی اطلاع ملنے پر ٹیم بھیجی جائے گی۔ کابینی وزیر پریم چند اگروال نے میونسپل کمشنر سے کہا کہ وہ وقت کا تعین کریں اور علاقے میں عوام کے پاس جا کر ان کے مسائل جانیں۔ انہوں نے کہا کہ کسی بھی کام میں غفلت برداشت نہیں کی جائے گی۔ کارپوریشن کو اپنے کام کا انداز بہتر کرنا چاہیے۔